Չինաստանի հարավում ջրհեղեղի հետևանքով 39 մարդ է զոհվել

Չինաստանի հարավային Գուանսի Չժուան ինքնավար շրջանի Նաննինգ քաղաքում ջրհեղեղի հետևանքով զոհվել է 39 մարդ, ևս ինը անհետ կորած է համարվում, հինգշաբթի օրը կայացած ճեպազրույցի ժամանակ հայտարարել է Նաննի փոխքաղաքապետ Դին Վեյը։

«Մինչ այժմ Նաննինգում մահացել է 39 մարդ ջրհեղեղի հետևանքով, այդ թվում՝ Լյուլան ջրամբարի ամբարտակի փլուզման պատճառով, իսկ ևս ինը դեռ անհետ կորած են համարվում», - ասել է Դին Վեյը։

Նա հավելել է, որ 39 ջրհեղեղի զոհերից 26-ը զոհվել են Հենչժոու շրջանի Լյուլան ջրամբարի ամբարտակի փլուզման հետևանքով։

Ավելի վաղ Գուանսի Չժուան ինքնավար շրջանի իշխանությունները ջրհեղեղի մասին նախազգուշացման մակարդակը բարձրացրել էին մինչև ամենաբարձր՝ կարմիր մակարդակի։