Լուվրը ժամանակավորապես կրճատելու է աշխատանքային ժամերը՝ ծայրահեղ շոգի պատճառով

Լուվրը հայտարարել է, որ մի քանի օրով կրճատելու է իր աշխատանքային ժամերը՝ Ֆրանսիայում մոլեգնող ծայրահեղ շոգի պատճառով։

«Ահռելի շոգի պատճառով Լուվրի թանգարանը արտակարգ կերպով փոխում է իր աշխատանքային ժամերը և հուլիսի 10-ից, ուրբաթ օրվանից մինչև հուլիսի 13-ը ներառյալ, կփակվի ժամը 16:00-ին (18:00-ի փոխարեն),- ասվում է թանգարանի սոցիալական ցանցերի էջում տարածված հայտարարության մեջ։

Նշվել է, որ Լուվրի կողմից կառավարվող Էժեն Դելակրուայի թանգարանը նույնպես ժամանակավորապես կհետևի այդ ժամերին։

Ֆրանսիան, ինչպես մի շարք այլ եվրոպական երկրներ, վերջին շաբաթներին տուժել է աննորմալ շոգից։ Հունիսի վերջին երկրի օդերևութաբանական ծառայությունը 96 դեպարտամենտներից 72-ում հայտարարել է եղանակային ամենաբարձր տագնապի մակարդակ։

Սա սահմանել է նոր ռեկորդ։ Ջերմաստիճանը մոտեցել է 40 աստիճան Ցելսիուսի, իսկ որոշ վայրերում նույնիսկ գերազանցել է այն։