Փորձագետները կասկածի տակ են դրել Patriot-ի արտադրության լիցենզիայի արդյունավետությունը Ուկրաինայի համար

ԱՄՆ-ի որոշումը՝ Ուկրաինային տրամադրել Patriot զենիթահրթիռային համալիրների արտադրության լիցենզիա, կարճաժամկետ և միջնաժամկետ հեռանկարում չի փոխի իրավիճակը ռազմաճակատում։ Այդ մասին հայտնում է CNN Portugal-ը՝ հղում անելով փորձագետների գնահատականներին։

Միջազգային հարաբերությունների մասնագետ Տիագու Անդրե Լոպեշի խոսքով՝ նման որոշումը չի ավելացնում ո՛չ Ուկրաինայի ֆինանսական հնարավորությունները, ո՛չ պաշտպանական, ո՛չ էլ հարձակողական ներուժը։

Փորձագետը նշել է, որ արտադրության լիցենզիան ինքնին դեռևս չի նշանակում, որ երկիրը կարող է սկսել համալիրների արտադրությունը։ Նրա խոսքով՝ դրա համար անհրաժեշտ են համապատասխան արդյունաբերական ենթակառուցվածք, տեխնոլոգիաներ և արտադրական հզորություններ։

Ռազմական փորձագետ Ագոշտինյու Կոշտան ևս կասկած է հայտնել, որ Ուկրաինայում հնարավոր կլինի կառուցել Patriot համակարգերի արտադրության գործարան՝ անհրաժեշտ արդյունաբերական բազայի բացակայության պատճառով։

Ավելի վաղ ԱՄՆ նախագահ Դոնալդ Թրամփը հայտարարել էր, որ Վաշինգտոնը պատրաստ է Ուկրաինային տրամադրել Patriot համակարգերի արտադրության լիցենզիա՝ ընդգծելով, որ խոսքը վերաբերում է տեխնոլոգիաների փոխանցմանը, այլ ոչ թե պատրաստի համալիրների մատակարարմանը։