Al Alam. ԱՄՆ-ն հարվածներ է հասցրել Իրանի Բուշերի ատոմակայանի մոտակայքում գտնվող տարածքներին

ԱՄՆ ուժերը հարվածներ են հասցրել Իրանի Բուշերի ատոմակայանի մոտակայքում գտնվող տարածքներին, հաղորդում է իրանական Al Alam հեռուստաալիքը՝ հղում անելով տեղական ինքնակառավարման մարմնի պաշտոնյային։

Նրա խոսքով՝ Բուշեհր նահանգում մի քանի թիրախներ, այդ թվում՝ ատոմակայանի շրջակայքը, հարձակման են ենթարկվել կեսօրին։ Հարվածների հետևանքների մասին տեղեկություններ չեն տրամադրվել։

Ավելի վաղ իրանական լրատվամիջոցները հայտնել էին, որ նահանգում պայթյուններ են լսվել։