El Al-ը մինչև սեպտեմբերի 1-ը երկարաձգել է Թել Ավիվ–Մոսկվա չվերթների դադարեցումը

Իսրայելական El Al ավիաընկերությունը մինչև 2026 թվականի սեպտեմբերի 1-ը երկարաձգել է Թել Ավիվ–Մոսկվա ուղղությամբ չվերթների դադարեցումը՝ պատճառաբանելով դա Ռուսաստանի օդային տարածքում պահպանվող անկայուն իրավիճակով։ Այդ մասին հայտնում է «Ինտերֆաքս» գործակալությունը։

Ավիաընկերությունը չի մանրամասնել, թե կոնկրետ ինչ ռիսկեր են հիմք հանդիսացել սահմանափակումների երկարաձգման համար, ինչպես նաև չի նշել, թե երբ կվերականգնվեն կանոնավոր չվերթները սեպտեմբերի 1-ից հետո։

Միաժամանակ ռուսական ավիափոխադրողները շարունակում են ընդլայնել թռիչքները դեպի Իսրայել։ Red Wings ավիաընկերությունը հայտարարել է, որ հոկտեմբերի 27-ից կսկսի Սոչի–Թել Ավիվ չվերթների իրականացումը, իսկ Մոսկվա–Թել Ավիվ երթուղով թռիչքները շարունակվում են։