Իրանի շուրջ լարվածության ֆոնին ԱՄՆ-ում բենզինը կրկին թանկացել է

ԱՄՆ-ում բենզինի միջին գինը կրկին աճել է՝ Իրանի շուրջ սրվող իրավիճակի և նավթի համաշխարհային գների բարձրացման ֆոնին։ Այդ մասին հայտնում է ՏԱՍՍ-ը՝ հղում անելով Ամերիկյան ավտոմոբիլային ասոցիացիայի (AAA) տվյալներին։

Վերջին տվյալներով՝ Regular տեսակի բենզինի մեկ գալոնի (3,79 լիտր) միջին արժեքը բարձրացել է 3,79 դոլարից մինչև 3,84 դոլար։ Դիզելային վառելիքի գինը նույնպես աճել է 4 ցենտով՝ հասնելով 4,81 դոլարի մեկ գալոնի դիմաց։

ԱՄՆ-ում ամենաբարձր վառելիքի գները շարունակում են գրանցվել Կալիֆոռնիայում, որտեղ բենզինի մեկ գալոնի միջին արժեքը կազմում է 5,38 դոլար։

ԱՄՆ-ում բենզինի պատմական առավելագույն գինը գրանցվել էր 2022 թվականի հունիսին, երբ մեկ գալոնի արժեքը գերազանցել էր 5 դոլարը։

Վերլուծաբանների գնահատմամբ՝ վառելիքի թանկացման հիմնական պատճառը Մերձավոր Արևելքում լարվածության աճն ու նավթի գների բարձրացումն են։ Միևնույն ժամանակ ԱՄՆ նախագահ Դոնալդ Թրամփը նախկինում հայտարարել էր, որ բենզինի գները շուտով կրկին կնվազեն՝ չնայած նավթի գների տատանումներին։