Երեք ռուսական օդանավակայաններում վերացվել են թռիչքների սահմանափակումները

ՌԴ օդային տրանսպորտի դաշնային գործակալությունը (Ռոսավիացիա) հայտնել է, որ վերացվել են «Դոմոդեդովո», Կալուգայի «Գրաբցևո» և Յարոսլավլի «Տունոշնա» օդանավակայաններում օդանավերի ընդունման և մեկնման ժամանակավոր սահմանափակումները։

Գերատեսչության տեղեկացմամբ՝ սահմանափակումները կիրառվել էին թռիչքների անվտանգությունն ապահովելու նպատակով։

Սահմանափակումների վերացումից հետո բոլոր երեք օդանավակայանները վերադարձել են բնականոն աշխատանքի ռեժիմին։