Էնթոնի Հոփքինսը թողարկել է իր դեբյուտային սինգլը 88 տարեկանում

Բրիտանացի դերասան Էնթոնի Հոփքինսը, որը հայտնի է «Գառնուկների լռությունը» ֆիլմում Հաննիբալ Լեկտերի դերով, 88 տարեկան հասակում թողարկել է իր դեբյուտային սինգլը՝ «Բրեքեն Ռոուդ»-ը, ըստ Spotify սթրիմինգային հարթակի։

«1947: Suite for Solo Piano & Orchestra: II. Bracken Road» երգը թողարկվել է Spotify-ում և տևում է 4 րոպե 44 վայրկյան։
Ըստ The Times-ի՝ դերասանի «Life is a Dream» ալբոմը նախատեսված է թողարկել օգոստոսի 21-ին։ Ալբոմում կներառվի 12 երգ։

Ինչպես նշվել է, Բրեքեն Ռոուդը ստեղծվել է 1963 թվականին, երբ Հոփքինսն աշխատում էր Լիվերպուլի թատրոնում։

Հոփքինսը մի քանի ստեղծագործությունների հեղինակ է դաշնամուրի, ջութակի և նվագախմբի համար։ Դեռահաս տարիքում նա երաժշտություն է գրել տեղական թատերական ներկայացումների համար։ Հայտնի «Եվ վալսը շարունակվում է» վալսը նույնպես գրվել է Հոփքինսի կողմից։

Դերասանը հայտնի է նաև այնպիսի ֆիլմերում իր դերերով, ինչպիսիք են՝ «Զորրոյի դիմակը», «Ծանոթացեք Ջո Բլեքի հետ», «Թոր», «Թոր. Մութ աշխարհ», «Նոյ», «Տրանսֆորմերներ. Վերջին ասպետը», «Թոր. Ռագնարոկ» և այլն։