Ոստիկանները հայտնաբերել են կանեփ աճեցնելու դեպքեր․ նախաձեռնվել են վարույթներ
Հասարակություն
Համայնքային ոստիկանության Սպիտակի բաժնի ծառայողները ստացել էին օպերատիվ տեղեկություն, որ Արևաշող գյուղի մի բնակիչ ապօրինի պահում է թմրանյութ և աճեցնում կանեփ։
Տեղեկությունը ստուգվել ու հաստատվել է, և նախաձեռնված քրեական վարույթի շրջանակում հուլիսի 7-ին կատարված զննությամբ 33-ամյա տղամարդու բնակության վայրում հայտնաբերվել է կանեփի 215 թուփ։
Կազմված փաստաթղթերն ուղարկվել են Սպիտակի քննչական բաժին։
Նույն օրը նման մի տեղեկություն էլ ստացել էին Քրեական ոստիկանության Սյունիքի մարզային վարչության ոստիկանները։
Հետագա միջոցառումների արդյունքում Աշոտավան բանավանի բնակիչ 61-ամյա տղամարդը հայտնել է, որ այգում կանեփ է աճեցնում։
Քրեական վարույթի շրջանակում կատարված զննությամբ տղամարդու տնամերձ հողամասում հայտնաբերվել է կանեփի 10 թուփ։
Համայնքային ոստիկանության Իջևանի բաժնի ծառայողների օպերատիվ տեղեկության համաձայն՝ Լուսահովիտ գյուղի մի բնակիչ էլ կանեփ էր աճեցրել իր հողամասում։
Տավուշի մարզային քննչական վարչությունում նախաձեռնված քրեական վարույթի շրջանակում հուլիսի 8-ին կատարված զննությամբ հայտնաբերվել է մշակված կանեփի վեց թուփ։
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
