Բրազիլիան գրեթե եռապատկել է սոյայի արտահանումը Ռուսաստան

2026 թվականի հունիսին Բրազիլիայից Ռուսաստան սոյայի արտահանման ծավալը գրեթե եռապատկվել է՝ նախորդ տարվա նույն ժամանակահատվածի համեմատ։ Այդ մասին հայտնում է ՌԻԱ Նովոստին՝ հղում անելով բրազիլական պաշտոնական վիճակագրությանը։

Հաշվետու ամսում Բրազիլիան Ռուսաստան արտահանել է 35,8 միլիոն դոլարի սոյայի հատիկներ։ Սա ամենաբարձր ցուցանիշն է 2025 թվականի մայիսից ի վեր։

Տարեկան կտրվածքով արտահանումն աճել է 2,9 անգամ, իսկ ամսական՝ 37 տոկոսով։ Այս աճի շնորհիվ Ռուսաստանը Բրազիլիայի սոյայի խոշորագույն գնորդների ցանկում 20-րդ տեղից բարձրացել է 14-րդ հորիզոնական։

Վարկանիշը գլխավորում է Չինաստանը՝ 4,45 միլիարդ դոլարի ներմուծմամբ։ Առաջատարների թվում են նաև Իսպանիան, Իրանը, Թուրքիան և Թաիլանդը։

Բացի այդ, 2026 թվականի առաջին կիսամյակում Բրազիլիան զգալիորեն ավելացրել է նաև մսի արտահանումը Ռուսաստան․ մատակարարումների արժեքը տարեկան աճել է գրեթե 40 տոկոսով՝ հասնելով 304,7 միլիոն դոլարի, ինչը ամենաբարձր ցուցանիշն է 2017 թվականից ի վեր։