Axios. ԱՄՆ-ն պահանջում է, որ Իրանը հայտարարի Հորմուզի նեղուցի բացման մասին

Վաշինգտոնի վարչակազմը Իրանից հայտարարություն է ակնկալում, որով նա ստանձնում է Հորմուզի նեղուցով նավագնացությանը խոչընդոտելու պատասխանատվությունը։

«Մենք ուզում ենք, որ նրանք հրապարակավ հայտարարեն, որ կդադարեն նավերը թիրախավորել և ուղղակիորեն կամ առնվազն անուղղակիորեն խոստովանեն, որ սխալ են թույլ տվել։ Մենք հիմա աշխատում ենք դրա վրա», - լրագրողների խմբին ասել է ամերիկացի պաշտոնյան ճեպազրույցի ժամանակ։ «Մենք սպասում ենք, որ իրանցիները կհայտարարեն, որ նեղուցի բոլոր ջրային ուղիները բաց կլինեն, և որ վճարովի չեն լինի», - հավելել է ամերիկացի պաշտոնյան, ըստ Axios-ի։

CBS-ի հաղորդմամբ, վերոնշյալ ճեպազրույցի ժամանակ ամերիկացի պաշտոնյաները նաև հայտարարել են, որ իրանական կողմը խնդրել է իրենց շարունակել բանակցությունները։

ԱՄՆ պաշտոնյաների խոսքով, Իրանի ներկայացուցիչները, իբր, նրանց ասել են, որ իրանցի «կոշտ գծի» կողմնակիցները նախկինում հարձակվել են Հորմուզի նեղուցի նավերի վրա՝ «բանակցությունները խափանելու» նպատակով։

ԱՄՆ պաշտոնյաների խոսքով, Իրանի ներկայացուցիչները հայտնել են հետևյալ դիրքորոշումը. «Մենք սխալ ենք թույլ տվել։ Եկեք շարունակենք խոսել»։