Եվրամիությունը պետք է ստեղծի միասնական բանակ. Մանֆրեդ Վեբեր
Աշխարհ
Եվրախորհրդարանի Եվրոպական ժողովրդական կուսակցության (ԵԺԿ) ղեկավար Մանֆրեդ Վեբերը հայտարարել է, որ Եվրամիությունը պետք է ստեղծի միասնական բանակ, որպեսզի նվազեցնի ԱՄՆ-ից կախվածությունը՝ միաժամանակ պահպանելով անդամակցությունը ՆԱՏՕ-ին։
Welt am Sonntag թերթին տված հարցազրույցում Վեբերը նշել է, որ Եվրոպան պետք է ավելի ինքնուրույն դառնա, այդ թվում՝ անկախ լինի ԱՄՆ նախագահ Դոնալդ Թրամփի քաղաքական դիրքորոշումներից։
«Եվրոպան պետք է միավորված մնա և դառնա ավելի անկախ։ Դա նշանակում է, որ այժմ պետք է ձևավորենք եվրոպական պաշտպանական կառույցներ», — ասել է նա։
Վեբերի խոսքով՝ Թրամփը նախկինում ևս հակասություններ է ունեցել եվրոպական երկրների հետ, և նման իրավիճակները կարող են կրկնվել։
Միաժամանակ նա ընդգծել է, որ արտակարգ իրավիճակներում Եվրոպան և ԱՄՆ-ն շարունակելու են աջակցել միմյանց։
Ավելի վաղ ԵՄ արտաքին քաղաքականության և անվտանգության հարցերով բարձր ներկայացուցիչ Կայա Կալլասը հայտարարել էր, որ Եվրամիությանը միասնական բանակ անհրաժեշտ չէ, քանի որ անդամ երկրների զինված ուժերն արդեն ՆԱՏՕ-ի կոլեկտիվ պաշտպանության համակարգի մաս են կազմում։
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
