Եվրոպայում շոգից մահացել է ավելի քան 10000 մարդ. հետազոտություն

Ըստ ԱՀԿ-ի հետ կապված գործակալության հետազոտության՝ հունիսի վերջին Եվրոպան պատած ծայրահեղ շոգի ալիքը հանգեցրել է ավելի քան 10000 մահվան: Այդ տվյալների համաձայն՝ մահացածներից ավելի քան 9000-ը 65 տարեկան և բարձր տարիքի էին։ Անբնական բարձր ջերմաստիճանը կարող է ոչ միայն ջերմային հարված առաջացնել, այլև սրել սրտանոթային և շնչառական հիվանդությունները՝ սպառնալիք, որի նկատմամբ տարեց մարդիկ ավելի խոցելի են։

Հազարավոր մահեր են գրանցվել Բելգիայուն, Ֆրանսիայում, Իսպանիայում, Մեծ Բրիտանիայում: Անգլիայում և Ուելսում մայիս և հունիս ամիսներին պատուհասած շոգի ալիքների հետևանքով մահացել է առնվազն 2700 մարդ։

World Weather Attribution նախագծի գիտնականների կարծիքով՝ հունիսյան շոգերը «գործնականում անհնար» կլինեին առանց կլիմայի փոփոխության։