Շղթայական ավտովթար՝ Երևանում

Այսօր՝ հուլիսի 13-ին, շղթայական ավտովթար է տեղի ունեցել Երևանում։ Ժամը 17։50-ի սահմաններում Արտեմ Միկոյան փողոցում բախվել են Երևանի բնակիչներ 28-ամյա Արթուր Ժ․-ի վարած «Mitsubishi» մակնիշի, 36-ամյա Արթուր Թ․-ի վարած «Hyundai Elantra» մակնիշի, 21-ամյա Նարեկ Ղ․-ի վարած «Nissan» մակնիշի, Կոտայքի մարզի բնակիչներ 42-ամյա Մակար Գ․-ի վարած «Renault Samsung» մակնիշի և 30-ամյա Գևորգ Դ․-ի վարած «Mercedes» մակնիշի ավտոմեքենաները։

 Ինչպես հայտնում է ֆոտոլրագրող Գագիկ Շամշյանը, վթարի հետևանքով, ըստ նախնական տեղեկությունների բարեբախտաբար տուժածներ չկան։

Դեպքի վայր են ժամանել ՀՀ Ներքին գործերի նախարարության ոստիկանության Պարեկային ծառայության Երևան քաղաքի գնդի 4-րդ գումարտակի 1-ին վաշտի պարեկները գումարտակի հրամանատար Դավիթ Նիկողոսյանի, վաշտի հրամանատար Արմեն Զաքարյանի գլխավորությամբ։

Տարածքը սահմանազատել են նույն վաշտի ավագ պարեկ Անդրանիկ Հարությունյանը և կրտսեր պարեկ Տիգրան Ամիրխանյանը։Վթարի փաստով ՊԾ Երևան քաղաքի գնդի 4-րդ գումարտակում փաստաթղթեր են ձևակերպվում։

Գ․ Շամշյանի տեղեկություններով «Mitsubishi»-ի վարորդ Արթուր Ժ․-ն ավտոմեքենա վարելու իրավունքի վկայական չի ունեցել։