Իրանը շարունակում է նավթ արտահանել՝ չնայած ԱՄՆ-ի կողմից պատժամիջոցների վերականգնմանը

Իրանի իշխանությունները շարունակում են նավթ արտահանել՝ չնայած ԱՄՆ ֆինանսների նախարարության կողմից հունիսին տրված ընդհանուր լիցենզիայի դադարեցմանը, որը մեղմացրել էր ԱՄՆ պատժամիջոցները Իրանի նավթային ոլորտի նկատմամբ: Այս մասին հայտարարել է Իրանի նավթի նախարար Մոհսեն Պակնեջադը։

«Նավթի նախարարությունը տարիներ շարունակ կառուցել է անհրաժեշտ մեխանիզմներ՝ ԱՄՆ անարդար պատժամիջոցների հետևանքները չեզոքացնելու համար: Քանի որ նավթի անխափան արտահանումն ապահովելու մեխանիզմներն արդեն իսկ առկա են, իրանական նավթի արտահանումը շարունակվում է սովորականի պես», - նրա խոսքերը մեջբերել է նախարարության մամուլի ծառայությունը։

Պակնեջադը նշել է, որ Թեհրանը չի հրաժարվել նախկինում ստեղծված բոլոր մեխանիզմներից, քանի որ ակնկալում էր, որ Վաշինգտոնը չի պահի իր խոսքը։