Ո՞վ կնվաճի աշխարհի առաջնության գավաթը․ կիսաեզրափակչի մասնակիցների գնահատականները

Աշխարհի առաջնությունը մոտեցել է վճռորոշ փուլին, և գավաթի համար պայքարը շարունակում են Ֆրանսիան, Իսպանիան, Արգենտինան և Անգլիան։ BBC Sport-ի անցկացրած հարցման մասնակիցների 55%-ը գլխավոր ֆավորիտ է համարել Ֆրանսիայի հավաքականին։

Իսպանացի լրագրող Գիլյեմ Բալագեն կարծում է, որ Իսպանիան լավագույն թիմն է, Ֆրանսիան՝ ամենավտանգավոր հարձակմամբ, իսկ Արգենտինան և Անգլիան նույնպես ունեն չեմպիոն դառնալու բոլոր նախադրյալները։ Նրա կարծիքով՝ Իսպանիա-Ֆրանսիա կիսաեզրափակիչի հաղթողը կարող է նվաճել նաև գավաթը։

BBC-ի անգլիացի մեկնաբան Ֆիլ ՄաքՆալթին կանխատեսում է Անգլիա-Ֆրանսիա եզրափակիչ՝ հավատալով, որ Դիդյե Դեշամի գլխավորած թիմը կդառնա աշխարհի չեմպիոն՝ Կիլիան Մբապեի առաջնորդությամբ։

Ֆրանսիացի և արգենտինացի լրագրողները նույնպես Ֆրանսիային են համարում գլխավոր հավակնորդը՝ ընդգծելով թիմի հարձակողական ներուժն ու կայուն խաղը, թեև չեն բացառում Արգենտինայի անակնկալը։

Երկրպագուների կարծիքները բաժանվել են․ իսպանացիները հավատում են Լամին Յամալի և իրենց հավաքականի հաջողությանը, անգլիացիները՝ Ջուդ Բելինգհեմի և Հարի Քեյնի գործոնին, իսկ արգենտինացիները վստահ են, որ Լիոնել Մեսսին կարող է կրկին թիմին հասցնել տիտղոսի։