Պուտինը բացատրել է ռուբլու ամրապնդման պատճառը

Ռուսաստանի նախագահ Վլադիմիր Պուտինը հայտարարել է, որ արտարժույթի նկատմամբ պահանջարկի նվազումը նպաստել է ռուբլու ամրապնդմանը։ Նրա խոսքերը փոխանցում է «Պրայմ» գործակալությունը։

Պուտինի խոսքով՝ ներկայումս դոլարի, եվրոյի և այլ արտարժույթների պահանջարկը զգալիորեն նվազել է՝ համեմատած այն ժամանակաշրջանի հետ, երբ Ռուսաստանի նկատմամբ դեռևս լայնածավալ արևմտյան պատժամիջոցներ չէին կիրառվել։

«Արտարժույթն այժմ այնքան անհրաժեշտ չէ, որքան նախկինում», — ասել է նա Յակուտիայի ղեկավար Այսեն Նիկոլաևի հետ հանդիպման ժամանակ։

Միաժամանակ շուկայի մասնակիցները ներկայացնում են այլ պատկեր։ «Բանկի.ռու» ֆինանսական հարթակի տվյալներով՝ 2026 թվականի երկրորդ եռամսյակում ռուսաստանցիների պահանջարկը դոլարի, եվրոյի և յուանի նկատմամբ տարվա սկզբի համեմատ աճել է գրեթե երեք անգամ։

Վերլուծաբանները դա կապում են Կենտրոնական բանկի դրամավարկային քաղաքականության մեղմացման, բանկային ավանդների գրավչության նվազման և արձակուրդների սեզոնի ակտիվացման հետ։ Նրանց գնահատմամբ՝ եթե Կենտրոնական բանկը շարունակի նույն քաղաքականությունը, այդ միտումը կարող է պահպանվել նաև տարվա երկրորդ կեսին։