Լավրովը հիշեցրել է Անքորիջի պայմանավորվածությունների մասին

Ռուսաստանի արտգործնախարար Սերգեյ Լավրովը, գնահատելով ԱՄՆ-ի և Իրանի միջև հնարավոր համաձայնագրի հեռանկարները, հիշեցրել է Անքորիջում ձեռք բերված ռուս-ամերիկյան պայմանավորվածությունների մասին։ Այդ մասին հայտնում է ՏԱՍՍ-ը։

«Չեմ կարող դատել, թե ԱՄՆ-ն ինչպես կվերաբերվի իր մասնակցությամբ կնքված այս կամ այն համաձայնությանը։ Հասկանում եմ, որ այնտեղ կան բարդություններ և ներքաղաքական խնդիրներ։ Այդ պայմաններում դժվար է կանխատեսել, թե որքանով հնարավոր կլինի կյանքի կոչել այն, ինչի մասին մենք խոսել էինք ԱՄՆ-ում», — ասել է Լավրովը։

Նրա խոսքով՝ Անքորիջի գագաթնաժողովում ձեռք բերված պայմանավորվածությունները, թեև կայացվել էին, սակայն հետագայում ամբողջությամբ չեն իրականացվել։ Այդ օրինակով նա գնահատել է նաև ԱՄՆ-ի և Իրանի միջև ապագա հնարավոր համաձայնությունների իրականացման հեռանկարները։

Ավելի վաղ հաղորդվել էր, որ ԱՄՆ նախագահ Դոնալդ Թրամփը չի բացառել Անքորիջում Ուկրաինայի հարցով ձեռք բերված պայմանավորվածությունների վերանայման հնարավորությունը։