Փրկարարներն ու շտապօգնության բժիշկները Երևանում փրկել են միայնակ տարեց կնոջ կյանքը

Հուլիսի 14-ին Երևանի Մալաթիա-Սեբաստիա վարչական շրջանում փրկարարներն ու շտապօգնության աշխատակիցները օպերատիվ գործողությունների շնորհիվ օգնություն են ցուցաբերել անօգնական վիճակում հայտնված միայնակ բնակվող տարեց կնոջը։ Այս մասին հայտնել է Շամշյանը։

Դեպքի վերաբերյալ ահազանգը ստացվել է ՀՀ ՆԳՆ 112 օպերատիվ կառավարման կենտրոնում։ նշվել է, որ Բատիկյան փողոցի տներից մեկում բնակվող կինը ընկել է մահճակալից և չի կարողանում ինքնուրույն շարժվել։

Դեպքի վայր են մեկնել Երևանի թիվ 7-րդ հրշեջ-փրկարարական ջոկատի փրկարարներն ու Երևանի 103 շտապօգնության հերթապահ խումբը։ Փրկարարները բժիշկների և բուժքրոջ օգնությամբ կնոջը տեղափոխել են անկողին, որից հետո բուժաշխատողները ցուցաբերել են անհրաժեշտ օգնություն։

Բժիշկները առաջարկել են կնոջը տեղափոխել հիվանդանոց, սակայն նա հրաժարվել է։
Արագ արձագանքման շնորհիվ հնարավոր է եղել կանխել իրավիճակի վատթարացումը։