The Guardian․ Ուկրաինացիները դժգոհել են Լեհաստանի սահմանապահների վերաբերմունքից

Ուկրաինայի քաղաքացիները բողոքում են, որ Լեհաստանի սահմանային անցակետերում սահմանապահները վատ են վերաբերվում իրենց։ Այդ մասին գրում է The Guardian-ը։

«Ամեն անգամ, երբ մտնում եմ Լեհաստան, զայրույթից դողում եմ՝ տեսնելով, թե ինչպես են մեզ նայում և ինչպես են մեզ վերաբերվում», — պատմել է Կիևից մի կին, որը ցանկացել է անանուն մնալ։

Պարբերականի տվյալներով՝ սահմանը հատող բազմաթիվ ուկրաինացիներ նշում են, որ լեհական կողմի վերաբերմունքը հաճախ անտեսողական է։ Նրանք նաև դժգոհում են սահմանապահների ագրեսիվ վարքագծից և բաց երկնքի տակ ժամերով հերթում սպասելու անհրաժեշտությունից՝ անկախ եղանակային պայմաններից։

Ավելի վաղ Լեհաստանի պաշտպանության նախարար Վլադիսլավ Կոսինյակ-Կամիշը կոչ էր արել Լեհաստանում գտնվող զորակոչային տարիքի ուկրաինացիներին վերադառնալ հայրենիք և համալրել Ուկրաինայի զինված ուժերի շարքերը։ Նրա խոսքով՝ հասարակական կարգը խախտող կամ շքեղ ավտոմեքենաներով տեղաշարժվող Ուկրաինայի քաղաքացիները նույնպես պետք է արտաքսվեն։