Եվրահանձնաժողովը նախազգուշացրել է ԵՄ-ում բնակչության նվազման վտանգի մասին
Աշխարհ
Եվրահանձնաժողովը հայտարարել է, որ Եվրամիության բնակչությունն արդեն հասել է իր առավելագույն թվին և առաջիկա տասնամյակներին կսկսի նվազել։ Այդ մասին հայտարարել է Եվրահանձնաժողովի անդամ Դուբրավկա Շուիցան։
Նրա խոսքով՝ ներկայումս ԵՄ-ում բնակվում է 450,6 միլիոն մարդ, սակայն մինչև 2050 թվականը այդ թիվը կնվազի մինչև 445 միլիոն, իսկ 2100 թվականին կհասնի 398,8 միլիոնի։
Շուիցայի գնահատմամբ՝ այս ժողովրդագրական փոփոխությունները կարող են լուրջ մարտահրավերներ ստեղծել եվրոպական տնտեսության համար՝ առաջացնելով աշխատուժի պակաս, մեծացնելով պետական բյուջեների ծանրաբեռնվածությունը, ինչպես նաև ճնշում գործադրելով առողջապահության, կրթության և մասնագիտական պատրաստման համակարգերի վրա։
Նա նաև նշել է, որ եվրոպացիներն այսօր ապրում են ավելի երկար, քան երբևէ։ Կանխատեսումների համաձայն՝ 2050 թվականին ԵՄ յուրաքանչյուր երրորդ բնակիչը կլինի 65 տարեկանից բարձր, մինչդեռ ներկայում այդ ցուցանիշը յուրաքանչյուր հինգերորդն է։
Ըստ կանխատեսումների՝ մինչև 2100 թվականը կանանց կյանքի միջին տևողությունը կարող է գերազանցել 90 տարին, իսկ տղամարդկանցը՝ 86 տարին։
ՈՒՂԻՂ ԵԹԵՐ
Ամենադիտված 
ՀՀ-ում ԱՄՆ դեսպանատնից լավ լուր․ նոր հնարավորություններ՝ հայ զինվորականների համար
