Հայաստան-Լիտվա գործընկերությունը խորացնելու պատրաստակամություն՝ Բուդրիսի հայտարարությունը

Լիտվայի արտաքին գործերի նախարար Կեստուտիս Բուդրիսը հայտարարել է, որ պատրաստ է շարունակել համատեղ աշխատանքը Հայաստանի հետ՝ երկու երկրների հարաբերությունների ամրապնդման և Հայաստանի եվրոպական օրակարգին աջակցելու ուղղությամբ։

«Ես խորապես գնահատում եմ մեր բարեկամությունը և անհամբեր սպասում եմ մեր համատեղ ջանքերի շարունակությանը՝ Լիտվա-Հայաստան հարաբերություններն ամրապնդելու և Հայաստանի եվրոպական օրակարգին աջակցելու ուղղությամբ»,- գրել է Լիտվայի ԱԳ նախարարը։

Արարատ Միրզոյանը ևս նշել էր, որ կարևորում է երկու երկրների միջև ձևավորված սերտ կապերը և ակնկալում է հետագա համագործակցություն՝ Հայաստան-Լիտվա գործընկերությունն ավելի խորացնելու համար։

Կեստուտիս Բուդրիսը Լիտվայի արտաքին գործերի նախարարի պաշտոնում վերանշանակվել է կառավարության կազմի փոփոխություններից հետո։