Կեչառիսի Սբ Գրիգոր եկեղեցու 13-րդ դարի որմնանկարները վերականգնվում են
Գիտություն և Մշակույթ
Կոտայքի մարզի Ծաղկաձոր համայնքում վերականգնման աշխատանքներ են իրականացվում Կեչառիս վանական համալիրի Սբ Գրիգոր եկեղեցու միջնադարյան որմնանկարների վրա։
ԿԳՄՍ նախարարությունից հայտնում են, որ պետություն-մասնավոր համագործակցության շրջանակում իրականացվում են եկեղեցու բարավորի 13-րդ դարի որմնանկարի ամրակայման և մաքրման աշխատանքներ։ Աշխատանքները վերահսկելու նպատակով նախարարության ներկայացուցիչներն այցելել են համալիր։
Որմնանկարի էսքիզային նախագիծը մշակվել է վերականգնող մասնագետ Աշխեն Պապոյանի կողմից և ներկայացվել համապատասխան քննարկման։ Վերականգնման աշխատանքներն իրականացնում է «Հուշարձանների վավերագրում» ՍՊԸ-ն։
Մաքրման ընթացքում բացահայտվել են որմնանկարի նախկինում չերևացող մանրամասներ։ Բարավորի վրա պատկերված է Բարեխոսության տեսարանը՝ կենտրոնում Հիսուս Քրիստոսը, կողքերին՝ Աստվածամայրը և Հովհաննես Մկրտիչը, իսկ կամարի հատվածում՝ առաքյալներ և հրեշտակներ։
Նախարարության մասնագետները աշխատանքները գնահատել են դրական։ Նախատեսվում է վերականգնման գործընթացն ավարտել մինչև ընթացիկ տարվա հուլիսի վերջը։
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
