Այսօր հայտնաբերվածներն Աջափնյակի սկանդալային սպանության մասնակիցներն են
Հասարակություն
Ներքին գործերի նախարարությունը քիչ առաջ հաղորդագրություն է տարածել՝ հայտնելով, որ հուլիսի 15-ի վաղ առավոտյան Լոռու մարզի Շնող գյուղում հայտնաբերվել և ձերբակալվել են Երևանի 39-ամյա և Շիրակի մարզի 31-ամյա երկու բնակիչ։ Նրանք հետախուզվում էին սպանության, սպանության փորձի, խուլիգանության և ապօրինի հրազեն կրելու մեղադրանքներով, իսկ նրանց նկատմամբ որպես խափանման միջոց ընտրված էր կալանքը։
«Հրապարակ օրաթերթ»- ի տեղեկություններով խոսքը վերաբերում է 2026 թվականի փետրվարի 18-ին Երևանի Աջափնյակ վարչական շրջանում տեղի ունեցած աղմկահարույց կրակոցների քրեական գործին։
Հիշեցնենք, որ այդ օրը կրակոցների հետևանքով զոհվել էր 45-ամյա երգիչ Արսեն Վարդանյանը, ևս մի քանի մարդ ստացել էին հրազենային վնասվածքներ։ Ըստ նախնական տվյալների՝ միջադեպը ծագել էր անձնական հարաբերությունների շուրջ վեճի հետևանքով և վերածվել զինված բախման։
Ավելի վաղ Գլխավոր դատախազությունից հայտնել էին, որ գործի շրջանակում հանրային քրեական հետապնդում է հարուցվել 17 անձի նկատմամբ, իսկ Արսեն Վարդանյանին սպանած անձը դեռևս չէր հայտնաբերվել։
«Հրապարակ օրաթերթ»
ՈՒՂԻՂ ԵԹԵՐ
Ամենադիտված 
Դերասանին մեղադրում են մանկապղծության մեջ․ նա ձերբակալվել է
