Քաղաքացիներին զգուշացրել են հաշվիչների ստուգման անվան տակ տարածվող նոր խարդախության մասին. ՌԴ

Ռուսաստանի Պետդումայի շինարարության և բնակարանային-կոմունալ տնտեսության հանձնաժողովի անդամ Իլյա Վոլֆսոնը զգուշացրել է, որ խարդախները սկսել են քաղաքացիներին ուղարկել ջրի հաշվիչների ստուգման վերաբերյալ կեղծ ծանուցումներ և սպառնալ տուգանքներով՝ ստիպելով վճարել անհիմն բարձր գումարներ։

Նրա խոսքով՝ մարդկանց փոստարկղերում զանգվածաբար հայտնվում են պաշտոնական փաստաթղթեր հիշեցնող թռուցիկներ, իսկ հեռախոսազանգերով նրանց համոզում են շտապ պատվիրել հաշվիչների ստուգում՝ պահանջելով 5-10 հազար ռուբլի։

Պատգամավորը նշել է, որ մեկ ջրաչափի ստուգման ծառայության ողջամիտ արժեքը սովորաբար կազմում է 600-1500 ռուբլի՝ կախված տարածաշրջանից և սպասարկման պայմաններից։ Նրա խոսքով՝ զգալիորեն ավելի բարձր գները կարող են վկայել խարդախության մասին։

Վոլֆսոնը խորհուրդ է տվել հաշվիչի ստուգման ժամկետը ճշտել միայն հաշվիչի անձնագրով կամ բնակարանային-կոմունալ ծառայությունների պաշտոնական վճարման փաստաթղթերով։ Նա նաև ընդգծել է, որ ծառայություն մատուցող կազմակերպությունը պետք է ունենա պետական հավատարմագրում, իսկ ստուգումը համարվում է օրինական միայն այն դեպքում, երբ դրա տվյալները մուտքագրվում են «Արշին» (ФГИС «Аршин») դաշնային էլեկտրոնային համակարգ։