Ամենայն Հայոց Կաթողիկոսն ընդունեց Գերմանիայից ժամանած գիտակրթական ոլորտի ներկայացուցիչներին
Հասարակություն
Ամենայն Հայոց Կաթողիկոս Գարեգին Երկրորդը գնահատանք է հայտնել բարեկամ երկրներին, այդ թվում՝ Գերմանիային, Քույր Եկեղեցիներին և միջազգային կառույցներին՝ դժվարին ժամանակներում հայ ժողովրդին ու Հայ Եկեղեցուն ցուցաբերվող աջակցության համար։ Այս մասին տեղեկացնում են Մայր Աթոռի տեղեկատվական համակարգից: Հուլիսի 16-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունել է Գերմանիայից ժամանած գիտակրթական ոլորտի ներկայացուցիչներին։
Հանդիպման ընթացքում պատվիրակությունը գլխավորել է Գերմանիայի Կաթոլիկ Եկեղեցու եպիսկոպոսաց ժողովի խոսնակ, մամուլի և հասարակայնության հետ կապերի բաժնի ղեկավար դոկտոր Մաթթիաս Կոպպը։ Նա նշել է, որ այցի նպատակն է առավել խորությամբ ծանոթանալ Հայոց Եկեղեցուն, հայ ժողովրդի պատմությանը, հոգևոր և մշակութային ժառանգությանը, ինչպես նաև քրիստոնեական ավանդույթներին։
Գարեգին Երկրորդը կարևորել է նմանատիպ այցելությունների դերը ժողովուրդների և Եկեղեցիների միջև բարեկամական կապերի ամրապնդման գործում։ Վեհափառ Հայրապետը խոսել է Հայ Առաքելական Սուրբ Եկեղեցու առաքելության մասին՝ ընդգծելով դրա կարևոր նշանակությունը քրիստոնեական հավատքի զորացման, ազգային ինքնության պահպանման և հոգևոր-մշակութային արժեքների պահպանության գործում։ Հանդիպման ընթացքում քննարկվել են նաև Հայոց Եկեղեցու գործունեությանը, միջեկեղեցական հարաբերություններին և Հայաստանի հոգևոր ու հասարակական կյանքին վերաբերող հարցեր։
ՈՒՂԻՂ ԵԹԵՐ
Ամենադիտված 
Գագիկ Ծառուկյանից կբռնագանձվի 75 անշարժ գույք, 42 ավտոմեքենա, 105 միլիարդ 865 միլիոն 865 հազար դրամ
