Հոգեբանը բացատրել է երեխայի վախի և ֆոբիայի տարբերությունը
Հասարակություն
Նախադպրոցական տարիքում երեխաների մոտ վախերի առաջացումը բնական երևույթ է, սակայն եթե այն խանգարում է երեխայի բնականոն կյանքին և զարգացմանը, արդեն կարող է խոսք լինել ֆոբիայի մասին։ Այդ մասին RT-ին տված հարցազրույցում նշել է մանկական հոգեբան Դարյա Դուգենցովան։
Մասնագետի խոսքով՝ սովորական վախը չի պետք է խոչընդոտի երեխայի հետաքրքրասիրությանը և աշխարհը ճանաչելու ցանկությանը։ Եթե վախը երեխային կաշկանդում է, առաջացնում է քարացում կամ խանգարում նրա զարգացմանը, ապա դա այլևս նորմալ չի համարվում։
Հոգեբանը նշել է, որ նախադպրոցական տարիքում ամենատարածված վախերն են մթությունից և մորից բաժանվելու վախը։
Դուգենցովան նաև խորհուրդ է տվել ծնողներին չանտեսել և չնսեմացնել երեխայի զգացմունքները։ Նրա խոսքով՝ «Մի վախեցիր» կամ «Դա հիմարություն է» արտահայտությունները կարող են միայն խորացնել խնդիրը։ Փոխարենը կարևոր է ընդունել երեխայի զգացմունքները, հանգստություն ցուցաբերել սեփական օրինակով և վստահություն ներշնչել, որ ցանկացած իրավիճակում նա կստանա աջակցություն։
Մասնագետի կարծիքով՝ ծնողների կողմից անվտանգության զգացողության ձևավորումը կարող է նպաստել, որպեսզի սովորական վախերը չվերածվեն ֆոբիաների։
ՈՒՂԻՂ ԵԹԵՐ
Ամենադիտված 
Մահացել է երգիչ Հովհաննես Գրիգորյանը
