Ռուսաստանում iPhone 17 Pro-ի գինը զգալիորեն նվազել է

Apple-ի առաջատար սմարթֆոն iPhone 17 Pro-ի գինը ռուսական շուկայում զգալիորեն նվազել է։ Այդ մասին հայտնում է Hi-Tech Mail.ru-ն։

Հրապարակման համաձայն՝ 2025 թվականի աշնանը ներկայացված սմարթֆոնը խոշոր խանութներում և առցանց հարթակներում այժմ վաճառվում է 87-88 հազար ռուբլով, մինչդեռ գարնանը դրա արժեքը կազմում էր 90-95 հազար ռուբլի։ Փոքր վաճառքի կետերում սարքը կարելի է գտնել նույնիսկ 80 հազար ռուբլով, սակայն մասնագետները զգուշացնում են, որ նման առաջարկների դեպքում անհրաժեշտ է զգոն լինել՝ անբարեխիղճ վաճառողներից խուսափելու համար։

Hi-Tech Mail.ru-ի գնահատմամբ՝ ներկայում iPhone 17 Pro գնելը կարող է ավելի շահավետ լինել, քան սպասել iPhone 18 Pro-ի թողարկմանը, քանի որ նոր մոդելը, ըստ կանխատեսումների, կստանա միայն սահմանափակ բարելավումներ, իսկ հիշողության բաղադրիչների համաշխարհային պակասի պատճառով Apple-ի նոր սմարթֆոնների գները կարող են աճել։

iPhone 17 Pro-ն ունի 6,3 դյույմանոց LTPO Super Retina XDR OLED էկրան՝ 120 Հց թարմացման հաճախականությամբ, A19 Pro պրոցեսոր, 12 ԳԲ օպերատիվ հիշողություն, երեք 48 մեգապիքսելանոց տեսախցիկ և մինչև 5000 մԱ/ժ տարողությամբ մարտկոց։