Հետազոտությունը հերքել է էպիդուրալ անզգայացման վտանգավորության մասին տարածված կարծիքը

Ծննդաբերության ընթացքում կիրառվող էպիդուրալ անզգայացումը չի մեծացնում նորածինների մոտ լուրջ բարդությունների կամ հետագայում մանկական ուղեղային կաթվածի (ԴՑՊ) զարգացման ռիսկը։ Այս եզրակացությանն են եկել The BMJ ամսագրում հրապարակված խոշոր հետազոտության հեղինակները։

Գիտնականները վերլուծել են 2007-2019 թվականներին Շոտլանդիայում գրանցված շուրջ 496 հազար ծննդաբերության տվյալները և պարզել, որ էպիդուրալ անզգայացումը կապված չէ նորածինների մոտ ուղեղի վնասման, սեպսիսի, ծանր շնչառական խանգարումների, վաղ մահվան կամ ԴՑՊ-ի զարգացման բարձր ռիսկի հետ։

Հետազոտության հեղինակների գնահատմամբ՝ արդյունքները հաստատում են, որ էպիդուրալ անզգայացումը ծննդաբերության ընթացքում ցավազրկման անվտանգ մեթոդ է և չի սպառնում երեխայի առողջությանը։