Մեծ Բրիտանիան և Շվեդիան Ուկրաինայի համար 16 ժամանակակից ինքնաթիռ կգնեն․ Սթարմեր
Աշխարհ
Մեծ Բրիտանիան և Շվեդիան 300 միլիոն ֆունտ ստեռլինգ կհատկացնեն Ուկրաինայի համար 16 ժամանակակից ինքնաթիռ գնելու նպատակով։
Այս մասին Կիևում Ուկրաինայի նախագահ Վլադիմիր Զելենսկու հետ համատեղ մամուլի ասուլիսի ժամանակ հայտարարել է Մեծ Բրիտանիայի վարչապետ Քիր Սթարմերը։
Նրա խոսքով՝ նոր ինքնաթիռները կօգնեն Ուկրաինային պաշտպանել իր օդային տարածքը ռուսական հարձակումներից։
«Ուրախ եմ հայտարարել, որ այսօր մենք ավելի հեռուն ենք գնում։ Մեծ Բրիտանիան Շվեդիայի հետ համատեղ 300 միլիոն եվրոյի աջակցություն կտրամադրի 16 նորագույն ինքնաթիռների մատակարարման համար, որոնք կօգնեն պաշտպանել Ուկրաինայի օդային տարածքը»,- ասել է Սթարմերը։
Ավելի վաղ Շվեդիայի վարչապետ Ուլֆ Քրիստերսոնը հայտարարել էր, որ Ստոկհոլմը Կիևին պաշտոնապես կփոխանցի 16 Gripen կործանիչ և ևս 22 նոր ինքնաթիռ կվաճառի։
Հաղորդվել է նաև, որ շվեդական JAS 39 Gripen կործանիչների առաջին խմբաքանակը Ուկրաինային կմատակարարվի «օդ-օդ» դասի հեռահար Meteor հրթիռներով։
Ուկրաինան և Շվեդիան պատրաստվում են Saab JAS 39 Gripen կործանիչների մատակարարման պայմանագրեր ստորագրել։ Այդ ինքնաթիռները պաշտոնապես ներառվել են Ուկրաինայի ռազմաօդային ուժերի ամրապնդման առաջնահերթությունների շարքում։
ՈՒՂԻՂ ԵԹԵՐ
Ամենադիտված 
«Գուստավ» ռեստորանի մենեջերը կանանց զուգարանում գաղտնի տեսանկարահանումներ է իրականացրել․ ՆԳՆ-ն ստուգում է տեղեկությունը
