Գերմանիան առաջին անգամ կմասնակցի Ֆրանսիայի միջուկային զորավարժություններին

Գերմանիան այս աշնանը առաջին անգամ կմասնակցի Ֆրանսիայի կազմակերպած միջուկային զսպման զորավարժություններին։ Այդ մասին հայտնում է NTV-ն՝ հղում անելով Գերմանիայի կառավարության ներկայացուցչին։

Նշվում է, որ Բեռլինն ու Փարիզը խորացնում են համագործակցությունը միջուկային զսպման ոլորտում, և գերմանացի զինծառայողները առաջին անգամ կներգրավվեն ֆրանսիական միջուկային ուժերի վարժանքներին։

Ըստ NTV-ի՝ կողմերը նաև նախատեսում են քննարկել նոր սերնդի եվրոպական կործանիչի (FCAS), մարտական կառավարման համակարգերի և անօդաչու թռչող սարքերի համատեղ մշակման ծրագրերը։

Լրատվամիջոցի տվյալներով՝ եվրոպական երկրների միջև համագործակցության խորացումը պայմանավորված է նրանով, որ նրանք ավելի քիչ են ապավինում ԱՄՆ-ի ռազմական աջակցությանը։