ՀՀ ավտոճանապարհներին շարունակվում են ամառային սպասարկման աշխատանքները

ՀՀ միջպետական և հանրապետական նշանակության ավտոճանապարհներին ամենօրյա ռեժիմով իրականացվում են ամառային սպասարկման աշխատանքներ։

Մասնավորապես, կատարվում են կողնակների լրացման և հարթեցման, մետաղե արգելապատնեշների ու ճանապարհային նշանների վերականգնման աշխատանքներ։

Բացի այդ, ճանապարհների եզրերից և բաժանարար գոտիներից իրականացվում են խոտերի հնձում, թփերի էտում և ճանապարհային ենթակառուցվածքների պահպանմանն ուղղված այլ աշխատանքներ։