ՊԵԿ պատվիրակությունը Չինաստանում ծանոթացել է մաքսային ոլորտում ԱԲ-ի կիրառմանը

Պետական եկամուտների կոմիտեի պատվիրակությունը մասնակցել է Չինաստանի Շանհայ քաղաքում անցկացված «Հայաստանի մաքսային համակարգում արհեստական բանականության կիրառում և կառավարում» թեմայով դասընթացին։

Դասընթացների և աշխատանքային այցերի ընթացքում պատվիրակության անդամները գործնականում ծանոթացել են մաքսային ոլորտում կիրառվող արհեստական բանականությամբ աշխատող առաջադեմ սարքավորումների աշխատանքին։

Այցի նպատակն էր ուսումնասիրել ժամանակակից տեխնոլոգիաների կիրառման միջազգային փորձը և դրա ներդրման հնարավորությունները Հայաստանի մաքսային համակարգում։