Մանիլայում մեկնարկել են միջոցառումներ՝ ԱՍԵԱՆ-ի ԱԳ նախարարների հանդիպման շրջանակներում
Աշխարհ
Ֆիլիպինների մայրաքաղաքում, որը ներկայումս նախագահում է ասոցիացիան, մեկնարկել են Հարավարևելյան Ասիայի երկրների ասոցիացիայի (ԱՍԵԱՆ) առաջիկա արտգործնախարարների հանդիպման մի շարք միջոցառումներ։
Հուլիսի 21-ին նախատեսված ԱՍԵԱՆ-ի արտգործնախարարների հանդիպումից բացի, հուլիսի 24-ից Մանիլայում կկայանան ասոցիացիայի գործընկերների, այդ թվում՝ Ռուսաստանի, Չինաստանի և Միացյալ Նահանգների հետ բանակցություններ, Արևելյան Ասիայի գագաթնաժողովի արտգործնախարարների կանոնավոր հանդիպում և այլ միջոցառումներ։
Ավելին, Մանիլայի հանդիպումների մասնակիցները կնշեն ԱՍԵԱՆ-ի և նրա երկխոսության գործընկերների միջև հարաբերությունները կարգավորող հիմնադիր փաստաթղթի՝ Հարավարևելյան Ասիայում բարեկամության և համագործակցության մասին 1976 թվականի պայմանագրի (Բալիի պայմանագիր) 50-ամյակը։
Ֆիլիպինների արտաքին գործերի նախարարության ԱՍԵԱՆ-ի հարցերով ներկայացուցիչ Դաքս Իմպերիալի խոսքով՝ տարածաշրջանային հարցերից բացի, միջոցառման օրակարգում ներառված են էներգետիկ անվտանգության հարցեր, այդ թվում՝ ԱՍԵԱՆ-ի նավթային անվտանգության համաձայնագրի վավերացումը։
ՈՒՂԻՂ ԵԹԵՐ
Ամենադիտված 
«Գուստավ» ռեստորանի մենեջերը կանանց զուգարանում գաղտնի տեսանկարահանումներ է իրականացրել․ ՆԳՆ-ն ստուգում է տեղեկությունը
