Նորվեգիայում խոշոր հրդեհը ոչնչացրել է ավելի քան 100 տուն

Նորվեգիայի հարավում՝ Օսլոյից մոտ 50 կիլոմետր արևմուտք գտնվող Դրամմեն համայնքում, խոշոր հրդեհ է բռնկվել, որը տեղական լրատվամիջոցների գնահատմամբ երկրի ամենախոշոր հրդեհներից մեկն է Երկրորդ համաշխարհային պատերազմից ի վեր։

Նախորդ օրը սկսված հրդեհը մինչ այժմ ոչնչացրել է ավելի քան 100 բնակելի տուն և տարածվել հարակից անտառային տարածքներ։ Հրդեհաշիջման աշխատանքներին ներգրավված են տասնյակ հրշեջ խմբեր, հատուկ տեխնիկա և ուղղաթիռներ։

Արտակարգ իրավիճակի պատճառով տարհանվել են հարյուրավոր բնակիչներ։ Ըստ պաշտոնական տվյալների՝ առնվազն տասը մարդ թունավորվել է ծխից, որոնցից երկուսը հոսպիտալացվել են։ Բացի այդ, մեկ ոստիկան ստացել է թեթև վնասվածքներ։

Իշխանությունները հայտնում են, որ հրդեհաշիջման աշխատանքները կշարունակվեն ամբողջ օրվա ընթացքում, քանի որ դեռևս պահպանվում են հրդեհի մի քանի ակտիվ օջախներ՝ ինչպես բնակելի հատվածներում, այնպես էլ անտառային գոտում։