Հարրին ու Մեգանը մտածում են Բրիտանիա վերադառնալու մասին․ թագավորական ընտանիքի հետ հաշտության հնարավորություն կա

Արքայազն Հարրին և նրա կինը՝ ամերիկացի դերասանուհի Մեգան Մարքլը, կարող են վերականգնել հարաբերությունները բրիտանական թագավորական ընտանիքի հետ։ Այս մասին հայտնում է Daily Mail-ը՝ հղում անելով արքայազնի մտերիմներին։

Պարբերականի տվյալներով՝ քննարկվում է Մեծ Բրիտանիա վերադառնալու հնարավոր տարբերակը, իսկ զույգի՝ Պորտուգալիայում գտնվող տունը կարող է օգտագործվել որպես միջանկյալ կանգառ։

Հոդվածում նշվում է, որ Հարրին ավելի վճռական է դարձել ընտանիքի հետ հաշտվելու հարցում՝ հուլիսի սկզբին հայրիկի՝ թագավոր Չարլզ III-ի հետ հանդիպումից հետո։

Միևնույն ժամանակ, արքայազնի շրջապատից հայտնել են, որ Սասեքսի դուքսը վերջին շրջանում սկսել է իրեն որոշ չափով օտարացած զգալ ԱՄՆ-ում և հիասթափվել է այն կյանքից, որը նախկինում համարում էր «ամերիկյան երազանք»։

Ըստ աղբյուրների՝ Հարրին ցանկանում է վերականգնել կապերը ընտանիքի հետ, սակայն վերադարձի վերջնական ծրագիրը դեռևս հստակեցված չէ։