ԶԼՄ-ներ․ Կիևում Ադրբեջանի դեսպանատունը վնասվել է ռուսաստանյան հարձակման հետևանքով

Կիևում Ադրբեջանի դեսպանատունը վնասվել է Ռուսաստանի կողմից իրականացված զանգվածային հրթիռային հարձակման հետևանքով, հաղորդում են ադրբեջանական լրատվամիջոցները։

Նշվում է, որ «Լուկյանովկա» մետրոյի կայարանի շրջանում տեղի ունեցած պայթյունի հարվածային ալիքի պատճառով վնաս է հասցվել դեսպանատան շենքին։

Վնասվել են ապակեպատումները, առաստաղին ճաքեր են առաջացել։

Նշվում է, որ դիվանագիտական առաքելության աշխատակիցները չեն տուժել։