ՌԴ ՊՆ․ ռուսական զորքերը վերահսկողության տակ են վերցրել Դնեպրոպետրովսկի մարզի Վոլնոյե բնակավայրը
Աշխարհ
Ռուսաստանի պաշտպանության նախարարությունը հայտարարել է, որ ռուսական զորքերի «Արևելք» խմբավորումը վերահսկողության տակ է վերցրել Ուկրաինայի Դնեպրոպետրովսկի մարզի Վոլնոյե բնակավայրը։
Գերատեսչության հաղորդագրության համաձայն՝ ռուսական ստորաբաժանումները շարունակել են առաջխաղացումը Ուկրաինայի պաշտպանության խորքում և «վճռական գործողությունների արդյունքում» վերահսկողություն սահմանել բնակավայրի նկատմամբ։
ՌԴ ՊՆ-ն նաև հայտնել է, որ վերջին մեկ օրում հարվածներ են հասցվել Ուկրաինայի զինված ուժերի հինգ բրիգադների և չորս գնդերի դիրքերին Դնեպրոպետրովսկի և Զապորոժիեի մարզերում։ Ըստ նախարարության՝ ուկրաինական կողմը կորցրել է մինչև 480 զինծառայող, մեկ զրահամեքենա և 11 ավտոմեքենա։
Նշվում է նաև, որ ռուսական ստորաբաժանումները մաքրել են բնակավայրը և ամրապնդվել զբաղեցրած դիրքերում։
Ուկրաինական կողմն այս հայտարարությունների վերաբերյալ դեռևս պաշտոնական մեկնաբանություն չի ներկայացրել, իսկ մարտական գործողությունների մասին տեղեկությունները հնարավոր չէ անկախ աղբյուրներով օպերատիվ կերպով հաստատել։
ՈՒՂԻՂ ԵԹԵՐ
Ամենադիտված 
«Գուստավ» ռեստորանի մենեջերը կանանց զուգարանում գաղտնի տեսանկարահանումներ է իրականացրել․ ՆԳՆ-ն ստուգում է տեղեկությունը
