Ռուբիո. Մի քանի երկրներ խոստացել են ներդրումներ կատարել ԱՄՆ-ում՝ Հորմուզը պաշտպանելու համար

ԱՄՆ պետքարտուղար Մարկո Ռուբիոն հայտարարել է, որ Պարսից ծոցի մի քանի երկրներ խոստացել են ներդրումներ կատարել Միացյալ Նահանգներում՝ Վաշինգտոնի կողմից Հորմուզի նեղուցով նավարկության ազատությունն ապահովելու դիմաց։

«Միացյալ Նահանգները կշարունակի անել անհրաժեշտ ամեն ինչ միջազգային նավագնացությունը պաշտպանելու համար, սակայն մյուս երկրները պետք է առաջ շարժվեն և տրամադրեն կամ ռեսուրսներ, կամ ֆինանսավորում՝ այս բեռը մեղմելու համար։ Միացյալ Նահանգների գործը չէ հավերժ պաշտպանել նավագնացությունը ամբողջ մոլորակի համար։ Որոշ նման ներդրումային պարտավորություններ արդեն ստանձնվել են, իսկ մյուսները՝ ապագայում», - լրագրողներին ասել է նա։

ԱՄՆ պետքարտուղարը հավելել է, որ տարածաշրջանի երկրները «պետք է կարողանան եկամուտ ստանալ այդ ներդրումները կատարելու համար, և նրանք չեն կարող դա անել, եթե իրենց նավթն ու գազը հասանելի չեն շուկային»։

Այս շաբաթվա սկզբին ԱՄՆ նախագահ Դոնալդ Թրամփը հայտարարել էր, որ իր երկիրը ցանկանում է վերահսկել Հորմուզի նեղուցը՝ ստանալով տեղափոխվող բեռի արժեքի 20%-ը՝ որպես փոխհատուցում անվտանգ նավարկությունն ապահովելու համար։ Ավելի ուշ նա Truth Social-ում գրել է, որ հրաժարվել է Վաշինգտոնին Հորմուզի նեղուցով նավերի անցման համար փոխհատուցում վճարելու գաղափարից՝ հօգուտ Պարսից ծոցի երկրների հետ առևտրային և ներդրումային գործարքների։