Խախտումները վերացվել են․ «Հեքիաթային կիրճ» ճամբարի խոհանոցը կրկին կգործի

Սննդամթերքի անվտանգության տեսչական մարմնի ղեկավարի որոշմամբ վերացվել է Կոտայքի մարզի Աղավնաձոր գյուղում գտնվող «Հեքիաթային կիրճ» մանկական ճամբարի խոհանոցի արտադրական գործունեության կասեցումը։

ՍԱՏՄ-ից հայտնում են, որ կրկնակի ստուգման արդյունքում արձանագրվել է՝ նախկինում հայտնաբերված խախտումները վերացվել են, ինչի հիման վրա թույլատրվել է խոհանոցի գործունեության վերականգնումը։

Այսպիսով, ճամբարի խոհանոցը կրկին կկարողանա իրականացնել սննդի պատրաստման և սպասարկման աշխատանքներ։