Կադաստրի կոմիտեն հայտնել է ինտերնետի խափանման մասին

Կադաստրի կոմիտեում մալուխի վնասման հետևանքով խափանվել է ինտերնետային կապը։

Կոմիտեից հայտնում են, որ այսօրվա ավարտական փաստաթղթերը քաղաքացիները կկարողանան ստանալ միայն կապի վերականգնումից հետո։

Սպասարկող ընկերությունն այս պահին իրականացնում է անհրաժեշտ աշխատանքներ՝ վթարի հետևանքները հնարավորինս արագ վերացնելու համար։

Կադաստրի կոմիտեն հայցել է քաղաքացիների ներողամտությունը պատճառված անհարմարության համար և հայտնել, որ կապի վերականգնման մասին կտեղեկացնի լրացուցիչ։