«Վեոլիա Ջուրը» հերքում է խմելու ջրի որակի վերաբերյալ տարածվող տեղեկությունները
Հասարակություն
«Վեոլիա Ջուր» ՓԲԸ-ն արձագանքել է վերջին օրերին խմելու ջրի որակի վերաբերյալ սոցիալական ցանցերում և հանրային տիրույթում տարածվող քննարկումներին՝ նշելով, որ դրանք չեն հիմնավորվում մասնագիտական եզրակացություններով կամ պաշտոնական տվյալներով։
Ընկերությունից հայտնում են, որ սպառողներին մատակարարվող խմելու ջուրը գտնվում է շուրջօրյա վերահսկողության ներքո։ Ըստ հաղորդագրության՝ ջրի որակը վերահսկվում է ինչպես ընկերության, այնպես էլ պետական իրավասու մարմինների կողմից։
«Վեոլիա Ջուրը» նշել է, որ եթե ջրի որակի հետ կապված լինեին առողջության համար վտանգավոր շեղումներ կամ սահմանված նորմերի խախտումներ, դրանք կարձանագրվեին համապատասխան մարմինների կողմից և կհրապարակվեին։
Անդրադառնալով ջրի կոշտության վերաբերյալ հարցերին՝ ընկերությունից պարզաբանել են, որ այն պայմանավորված է ջրաղբյուրների բնական առանձնահատկություններով և չի համարվում առողջության համար վտանգ ներկայացնող ցուցանիշ։
Ընկերությունը կոչ է արել հանրությանը և լրատվամիջոցներին ջրի որակի վերաբերյալ տեղեկություններ տարածել միայն պաշտոնական տվյալների և մասնագիտական ուսումնասիրությունների հիման վրա։
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
