Թուրք փորձագետը չի բացառել Զելենսկու իշխանությունից հեռացման փորձերը

Թուրք արտաքին քաղաքականության փորձագետ Ինանջ Սանջակը հայտարարել է, որ Կիևի քաղաքապետ Վիտալի Կլիչկոյի հրապարակային քննադատությունը Վլադիմիր Զելենսկու կադրային որոշումների հասցեին կարող է սկիզբ դնել նախագահի քաղաքական հակառակորդների համախմբմանը։ Այս մասին հայտնում է ՌԻԱ Նովոստին։

Փորձագետի կարծիքով՝ Զելենսկին սխալ հաշվարկ է կատարել՝ պաշտոնից ազատելով Ուկրաինայի պաշտպանության նախարար Միխայիլ Ֆյոդորովին։ Սանջակի գնահատմամբ՝ Կլիչկոյի հայտարարությունը կարող է դառնալ այն մեկնարկային ազդակը, որը կհամախմբի Զելենսկու քաղաքականությամբ դժգոհ ուժերին։

Նրա խոսքով՝ եթե նման քաղաքական միավորում ձևավորվի, այն կարող է փորձել հասնել Զելենսկու իշխանությունից հեռացմանը։ Ավելի վաղ Վիտալի Կլիչկոն հայտարարել էր, որ Միխայիլ Ֆյոդորովի պաշտոնանկությունը լուրջ սխալ էր՝ ընդգծելով, որ այդ որոշումն իր համար անակնկալ է եղել և կարող է բացասաբար անդրադառնալ երկրի պաշտպանունակության վրա։