Տարածված առասպելը սմարթֆոնների մասին հերքվել է. ի՞նչ են պարզաբանել մասնագետները

Սմարթֆոնը լիցքավորման ընթացքում օգտագործելը չի վնասում մարտկոցին, իսկ դրա մասին տարածված կարծիքը մասնագետները համարում են առասպել։ Այս մասին գրում է BGR-ը՝ վկայակոչելով ոլորտի մասնագետների գնահատականները։

Հրապարակման համաձայն՝ լիցքավորման ընթացքում հեռախոսի օգտագործումը կարող է միայն դանդաղեցնել լիցքավորման գործընթացը։ Որոշ դեպքերում, եթե սարքը ծանրաբեռնված է, այն կարող է տաքանալ, ինչը երկարաժամկետ հեռանկարում կարող է բացասաբար անդրադառնալ մարտկոցի վիճակի վրա։ Սակայն սովորական օգտագործման դեպքում մարտկոցին վնաս չի հասցվում։

Մասնագետները նշում են, որ ժամանակակից սմարթֆոններն ունեն էներգիայի կառավարման պաշտպանական համակարգեր, որոնք լիցքավորման ժամանակ սարքն առաջին հերթին սնուցում են էլեկտրական ցանցից, այլ ոչ թե մարտկոցից։ Միևնույն ժամանակ նրանք խորհուրդ են տալիս օգտագործել միայն որակյալ կամ օրիգինալ լիցքավորիչներ, խուսափել բարձր ջերմաստիճանում լիցքավորումից և զգուշությամբ վերաբերվել վնասված կամ թրջված սարքերին։