Վայոց ձորում «BMW»-ն բախվել է ժայռին․ 29-ամյա վարորդը տեղափոխվել է հիվանդանոց

Հուլիսի 21-ի վաղ առավոտյան Վայոց ձորի մարզում տեղի է ունեցել ավտովթար։ Ժամը 05։40-ի սահմաններում Երևան–Մեղրի ավտոճանապարհի 111-րդ կմ հատվածում Վայոց ձորի բնակիչ 29-ամյա Եսթեր Հ․-ն իր վարած «BMW» մակնիշի ավտոմեքենայով դուրս է եկել ճանապարհի երթևեկելի գոտուց և բախվել ժայռին։ Դեպքի մասին հաղորդում է  Shamshyan.com-ը:

Վթարի հետևանքով վարորդը մարմնական վնասվածքներով տեղափոխվել է «Վայոց ձոր» բժշկական կենտրոն։ Դեպքի վայր են ժամանել ՀՀ ՆԳՆ ոստիկանության Պարեկային ծառայության Վայոց ձորի մարզի գումարտակի և համայնքային ոստիկանության Եղեգնաձորի բաժնի ծառայողները։

 Պարեկային ծառայության Վայոց ձորի մարզի գումարտակում կազմվել են անհրաժեշտ փաստաթղթեր, որոնք փոխանցվել են ՀՀ Քննչական կոմիտեի Վայոց ձորի մարզային քննչական վարչություն։