COP17-ի նախաշեմին անցկացվել է քիմիական հարձակման սցենարով դաշտային վարժանք

COP17 համաժողովի անվտանգ անցկացումն ապահովելու նպատակով իրականացվել է դաշտային վարժանք, որի սցենարով ենթադրյալ հանցագործը կիրառել է քլորոպիկրին՝ խիստ գրգռող քիմիական միացություն, ինչի հետևանքով տասնյակ քաղաքացիներ պայմանականորեն տուժել են։

Վարժանքի շրջանակում գործի են դրվել արտակարգ իրավիճակներում արձագանքման բոլոր մեխանիզմները՝ իրականացվել են տարհանում, տուժածների օգնություն և ենթադրյալ հանցագործի ձերբակալում։

Նշվում է, որ սա բացառապես ուսումնավարժանք էր, որի նպատակն էր ստուգել և կատարելագործել պատասխանատու գերատեսչությունների համատեղ պատրաստվածությունը ՄԱԿ-ի «Կենսաբազմազանության մասին» կոնվենցիայի կողմերի 17-րդ համաժողովի (COP17) անվտանգ կազմակերպման համար։