ՊԵԿ-ը հայտնում է e-invoicing համակարգի աշխատանքի ժամանակավոր խափանումների մասին

Պետական եկամուտների կոմիտեն տեղեկացնում է, որ հուլիսի 21-ին «Էլեկտրոնային հաշվարկային փաստաթղթեր» (e-invoicing) համակարգում առկա են որոշակի խափանումներ։

Ըստ ՊԵԿ-ի՝ խնդիրը կապված է բջջային էլեկտրոնային ստորագրության գործընթացում առաջացող տեխնիկական դժվարությունների հետ։

Նշվում է, որ բջջային էլեկտրոնային ստորագրությունը սպասարկող կազմակերպությունը աշխատանքներ է իրականացնում համակարգի բնականոն աշխատանքը հնարավորինս արագ վերականգնելու ուղղությամբ։ ՊԵԿ-ը հայցել է հարկ վճարողների ներողամտությունը պատճառված անհարմարությունների համար։