Երևանում աղբատար «KamAZ»-ը բախվել է գերեզմանոցի պարսպին և հայտնվել տարածքում

Երևանում արտակարգ դեպք է տեղի ունեցել․ քաղաքապետարանի հաշվեկշռում հաշվառված աղբատար մեքենան Նուբարաշենի աղբավայրի մոտ դուրս է եկել երթևեկելի գոտուց, բախվել քարե պարսպին և հայտնվել գերեզմանոցի տարածքում․ հայտնում է Shamshyan.com-ը։

Ըստ նախնական տվյալների՝ դեպքը տեղի է ունեցել հուլիսի 21-ին՝ ժամը 14:30-ի սահմաններում։ 66-ամյա վարորդը վարել է «KamAZ» մակնիշի աղբատար մեքենան։

Վթարի հետևանքով, նախնական տեղեկություններով, տուժածներ չկան։ Դեպքի վայրում աշխատել են Երևանի պարեկային ծառայության աշխատակիցները, իսկ վարորդը սթափության փորձաքննություն է անցել և եղել է սթափ։

Նախնական վարկածով՝ վթարի պատճառը եղել է մեքենայի տեխնիկական անսարքությունը՝ մասնավորապես արգելակային համակարգի հետ կապված խնդիր։