Քոլեջների ընդունելության հայտագրման ժամկետը երկարաձգվել է

ԿԳՄՍ նախարարությունը մեկ շաբաթով երկարաձգել է քոլեջների ընդունելության էլեկտրոնային հայտագրման ժամկետը։

Ոլորտային մասնագիտությունների (մշակույթ, արվեստ, սպորտ, բժշկություն) հայտերն ընդունվում են մինչև հուլիսի 31-ը, իսկ ոչ ոլորտային մասնագիտություններինը՝ մինչև օգոստոսի 17-ը։ Ոլորտային մասնագիտությունների ընդունելության քննությունները կանցկացվեն օգոստոսի 1-15-ը։

Ընդունելությունն իրականացվում է ամբողջությամբ էլեկտրոնային եղանակով՝ hayt-college.emis.am և my.emis.am հարթակների միջոցով։ Դիմորդը կարող է դիմել մեկ ուսումնական հաստատություն՝ մեկ մասնագիտության համար՝ միաժամանակ ընտրելով անվճար և վճարովի ուսուցման տարբերակները։