Սյունիքում մեկնարկել է Հայաստան-Իրան փորձագիտական համաժողովը

Սյունիքում մեկնարկել է Հայաստան-Իրան համաժողովը, որին մասնակցում են Հայաստանի և Իրանի առաջատար վերլուծական կենտրոնների ներկայացուցիչներն ու փորձագետները։

Համաժողովի բացմանը մասնակցել է Սյունիքի մարզպետ Ռոբերտ Ղուկասյանը, իսկ Հայաստանում Իրանի դեսպան Խալիլ Շիրղոլամին ընդգծել է, որ փորձագիտական համագործակցությունը կարող է նոր խթան հաղորդել երկու երկրների հարաբերությունների զարգացմանը։

Միջոցառման նպատակն է համադրել Երևանի և Թեհրանի մոտեցումները, բացահայտել համագործակցության նոր ուղղություններ և մշակել գործնական առաջարկություններ որոշում կայացնող մարմինների համար։ Քննարկումները վերաբերում են քաղաքական, տնտեսական և տարածաշրջանային զարգացումներին, իսկ արդյունքներով նախատեսվում է ձևավորել հայ-իրանական փորձագիտական համագործակցության հետագա ծրագրեր։